‘एक २ तीन, शनिबारको दिन’ मा आशिषको उत्कृष्ट ‘डान्स’
काठमाडौं– गायक जीवन विश्वकर्माले नयाँ डान्सिङ नम्बर ल्याएका छन् । विश्वकर्माको स्वरमा रहेको ‘एक २ तीन, शनिबारको दिन’ बोलको गीतको म्युजिक भिडियो युट्युबमा सार्वजनिक गरिएको छ।
सोमबार सार्वजनिक गीतको भिडियोमा आशिष मानन्धर र रस्मिला तामाङ फिचर्ड छन् । आशिषकै निर्देशन तथा कोरियोग्राफी गरेको उक्त म्युजिक भिडियोमा नृत्य निकै सशक्त देखिएको छ ।
म्युजिक भिडियोमा आशिष र रस्मिलाका साथै व्यागराउन्डमा अञ्जन मगर, सबिन तामाङ, कृतमान चौधरी, कुमार तामाङ, रविना तामाङ, सुजिता तामाङ, भूमिका ओलीलाई समेत देख्न सकिन्छ । म्युजिक भिडियोमा सबैजनाको नृत्य उत्कृष्ट देखिएको छ । उक्त भिडियो ललितपुरको सातदोबाटोबाट गोदावरी जाने बाटोतर्फ खिचिएको हो ।
जीवन विश्वकर्माको स्वर रहेको गीतमा किरण विश्वकर्माको शब्द छ । गीतलाई टीका बम्जनले कम्पोज र साहश शाखेयले एरेन्ज गरेका हुन् । यस गीतको प्रोडक्सन म्यानेजर समीर स्याङ्बो रहेका छन् । म्युजिक भिडियोलाई होजाना डान्स स्टुडियोको युट्युब च्यानलमा सार्वजनिक गरिएको छ ।
_2FrHXbA5dW.jpg)
