एफएलएफ अवार्डको मनोनयन सूची सार्वजनिक
काठमाडौं ।
फाल्गुनन्द लिङ्देन फिल्म्स् प्रालिले आयोजना गर्दै आएको लिम्बू भाषा संस्कृतिमा बनेका म्युजिक भिडियो, पालाम र फिल्मको संयुक्त अवार्ड एफएलएफ अवार्डको छैटौं संस्करणको मनोनयन सार्वजनिक गरेको छ।
अवार्डको मनोनयन अमेरिकामा आयोजित एक कार्यक्रमबीच सार्वजनिक गरिएको हो। १७ विधामा प्रदान गरिने अवार्डको मनोनयन सूचीअनुसार निर्देशनमा सागर सुब्बा, सागर केरुङ, हाङ चेम्जङ, लोकेन साँवा र चन्द्र लिम्बू मनोनयनमा परेका छन्।
त्यस्तै, नायकमा मौसम इम्बुङ, सुमन थाम्सुहाङ, आशाहाङ आङबो र सञ्जिव लिम्बू तथा नायिकामा विमला खजुम, बबिता फोम्बो, रुपा आङबुहाङ र बबिता नेयोङ मनोनयनमा छन्।
अवार्डमा गायन विधामा पुरुषतर्फ राजेशपायल राई, सुमन लिम्बू र असार सिङ निङलेखु छन् भने महिलातर्फ निरन्ता नेम्बाङ, मनु नेम्बाङ, अन्जु पन्त र श्रेयसी चेम्जङ छन्। गीत संगीतमा रिता फोम्बो, कुल्बा सुब्बा, अशोक लोहरुङ र सुवर्ण नेम्वाङ तथा छायांकनमा सम्राट कार्की, युवराज राई र रवीन्द्र बराल मनोनयनमा परेका छन्।
अमेरिकाको न्यूयोर्कमा सम्पन्न मनोनयन सार्वजनिक कार्यक्रममा अमेरिकामा रहँदै आएका कलाकार केशवराम राई प्रमुख अतिथि थिए। कार्यक्रममा जुरी प्रमुख निर्देशक किशोर सुब्बा, कलाकार तथा समाजसेवी ममता राई, निर्देशक गरचा किराँतलगायत सहभागी थिए।
