एमालेको ‘जागरण सभा’का लागि र्याली सुरु
काठमाडौं– नेपाल कम्युनिष्ट पार्टी (एमाले) को दरबारमार्गमा हुने ‘जागरण सभा’का लागि र्याली सुरु गरेको छ ।
काठमाडौंको भद्रकालीबाट र्याली सुरु गरिएको हो । उक्त र्याली दरबारमार्ग पुगेर सभामा परिणत हुनेछ । एमालेको जागरणसभामा काठमाडौं, भक्तपुर, ललितपुरलगायत आसपासका जिल्लाबाट कायकर्ता सहभागी भएका छन् ।
एमाले काठमाडौँ, भक्तपुर र ललितपुर जिल्ला कमिटीको आयोजनामा दरबारमार्गमा उक्त सभाको आयोजना गरिएको हो । कार्यक्रमलाई एमाले अध्यक्ष तथा प्रधानमन्त्री केपी शर्मा ओलीलगायतका नेताहरूले सम्बोधन गर्ने कार्यक्रम छ ।
राष्ट्रिय सद्भाव र राष्ट्रिय एकता कायम गर्ने उद्देश्यले उक्त जागरणसभा आयोजना गर्न लागिएको एमालेका प्रचार विभाग प्रमुख राजेन्द्र गौतमले जानकारी दिए ।
