तीनकुने क्षेत्रको बागमतीबाट एक ‘मेट्रिक टन’ फोहर व्यवस्थापन
समाचार सुन्नुहोस :
काठमाडौँ – बागमती सफाइ महाअभियानको पाँच सय ९७ औँ हप्तामा तीनकुने पुल क्षेत्रको नदी किनारमा सफाइ गरी एक मेट्रिक टन फोहर व्यवस्थापन गरिएको छ । ‘हप्तामा दुई घण्टा स्वयंसेवा’ नाराका साथ पूर्वमन्त्री अग्नि खरेल र अन्य अभियानकर्मीहरू सक्रिय रूपमा सहभागी भएका थिए। यो सफाइ अभियान २०६० सालको जेठ ५ गतेदेखि प्रत्येक शनिबार दुई घण्टाको लागि आयोजना हुँदै आएको छ।
अभियानकर्मी डा. माला खरेलका अनुसार आजको सफाइ तीनकुने पुलको पाँच सय मिटर तलसम्म गरिएको थियो र संकलित फोहरको व्यवस्थापन काठमाडौँ महानगरपालिकाले गरेको छ।
यो महाअभियान सुरु भएयता निरन्तरता पाइरहेको छ। जसको प्रभावले काठमाडौँ उपत्यकाका बागमती सहायक नदीहरूमा पनि सफाइ भइरहेको छ। यसैगरी, काठमाडौँ बाहिरका मुख्य नदीहरू र सहरहरूमा पनि सफाइ कार्य विस्तार हुँदै आएको छ। महाअभियानको प्रेरणाबाट देशभर एक सय आठ भन्दा बढी स्थानमा नियमित रूपमा सफाइ अभियानहरू सञ्चालन भइरहेका छन्।
The post तीनकुने क्षेत्रको बागमतीबाट एक ‘मेट्रिक टन’ फोहर व्यवस्थापन appeared first on Samudrapari.
