काठमाडौँ । कोशी प्रदेशका पूर्वमन्त्री लिलाबल्लभ अधिकारी पक्राउ परेका छन् । मानव तस्करीको आरोपमा अधिकारीलाई प्रहरीले विराटनगरस्थित उनको निवासबाटै पक्राउ गरेको हो ।

उनलाई आज आइतबारनै काठमाडौँ पठाउने तयारी गरिएको छ ।

मन्त्रिपरिषद्बाट भ्रमण स्वीकृत नगराई उनी जापान गएका थिए । उनीसँगै अन्य तीन जना पनि जापान गएका थिए । तर, जापानको अध्यागमनले अधिकारीसहित तीन जनालाई विमानस्थलबाट फर्काइदिएको थियो ।

मानव तस्करको योजना अनुसार मन्त्री जापान पुगेको भन्दै विरोध भएपछि उनले मन्त्री पदबाट राजीनामा दिएका थिए ।

अधिकारीसँगै जापान गएकाहरुलाई पक्राउ गरेर प्रहरीले अनुसन्धान गरिरहेको छ ।

Source : https://arthasarokar.com/2024/11/lila-ballab-adhikari.html