लुम्बिनीका नवनियुक्त तीन मन्त्रीले लिए शपथ
समाचार सुन्नुहोस :
काठमाडौँ – लुम्बिनी प्रदेशमा तीन नयाँ मन्त्रीले आज पद तथा गोपनीयताको शपथ लिएका छन्। मुख्यमन्त्री चेतनारायण आचार्यले नेपाली कांग्रेसबाट जन्मजय तिमिल्सिना (बर्दिया) र देवकरण कलवार (पश्चिम नवलपरासी) तथा जनता समाजवादी पार्टीका आदेशकुमार अग्रवाल (बाँके) लाई मन्त्री नियुक्त गरेका थिए। तिमिल्सिनालाई सामाजिक विकास मन्त्री, कलवारलाई वन तथा वातावरण मन्त्री र अग्रवाललाई आन्तरिक मामिला तथा कानून मन्त्रीको जिम्मेवारी दिइएको छ। शपथ ग्रहण बुटवलमा प्रदेश प्रमुख कृष्णबहादुर घर्तीमगरको कार्यालयमा सम्पन्न भयो।
लुम्बिनी प्रदेश सरकारमा अब ११ मन्त्री पुगेका छन्। जसमा ५ एमाले, ५ कांग्रेस र १ जसपा प्रतिनिधि छन्। १२ मन्त्रालयमध्ये युवा तथा खेलकुद मन्त्रालयमा मन्त्री नियुक्त गर्न बाँकी छ। लोकतान्त्रिक समाजवादी पार्टी (लोसपा) र नागरिक उन्मुक्ति पार्टीमध्ये एकबाट अर्को मन्त्री थपिनुपर्ने भए पनि कुन पार्टीले पहिलो प्रतिनिधित्व गर्ने भन्ने विषयमा सहमति नहुँदा मन्त्रिपरिषद् अझै पूर्ण भएको छैन।
The post लुम्बिनीका नवनियुक्त तीन मन्त्रीले लिए शपथ appeared first on Samudrapari.
