४६ हजार युरो र अमेरिकी डलरसहित तीनजना भारतीय पक्राउ
मकवानपुर प्रहरीले युरो र अमेरिकी डलर सहित ३ जना भारतीय नागरिकलाई पक्राउ गरेको छ ।
प्रहरीले श्रोत नखुलेको युरो र अमेरिकी डलर सहित उनीहरूलाई हेटौँडाको चौकीटोलबाट पक्राउ गरेको हो ।
काठमाडौंबाट हेटौडा तर्फ आउँदै गरेको बा-प्र.०३-००१ ज ०७६५ नं को इभी माइक्रो बसमा सवार तीनजना भारतीय नागरिकको साथबाट ४६ हजार नगद बरामद गरिएको प्रहरीको भनाई छ ।
पक्राउ पर्नेमा भारत उत्तर प्रदेशका विजय सिंह कुश्वाह, प्रशान्त पाठक तथा राजस्थानका राहुलकुमार माण्डवत रहेका छन् ।
कुश्वाहको साथबाट १२ हजार अमेरिकी डलर, पाठकको साथबाट १४ हजार युरो र माण्डवतको साथबाट २० हजार अमेरिकी डलर बरामद गरिएको प्रहरीको भनाई छ ।
बरामद गरिएको रकमको हाल बजार मूल्य ६२ लाख ९० हजार ३५ रुपैयाँ रहेको प्रहरीले जनाएको छ ।
The post ४६ हजार युरो र अमेरिकी डलरसहित तीनजना भारतीय पक्राउ appeared first on Janakpur Today.
