गाजामा भएको हमलालाई अमेरिकाले डरलाग्दो भन्दै टिप्पणी गरेको छ । गाजाको उत्तरी सहर बेत लाहियामा मंगलबार इजरायली आक्रमणमा परी कम्तीमा ९३ जना प्यालेस्टिनीको मृत्यु भएको थियो ।

दर्जनौँ घाइते भएका गाजाको स्वास्थ्य मन्त्रालयले जनाएको छ । यो घटनालाई अमेरिकाले डर लाग्दो भनेर टिप्पणी गरेको छ ।

अमेरिकाले यस्ता हमलाहरुले मानवीय संबेदनशिलतामाथी नै प्रश्न उठाउने भन्दै घटना नदोहोराउन चेतावनी दिएको छ । निर्दोष मासिसहरु आक्रमणको निशानामा पर्नुहुदैन भन्नेमा अमेरिका सदैव प्रष्ट रहेको अमेरिकी बिदेश मन्त्रालयले बताएको छ ।

स्वास्थ्यकर्मीहरूका अनुसार मारिएका व्यक्तिहरूमा कम्तीमा २० बालबालिका पनि छन् । केही पीडितहरू अझै पनि भग्नावशेषमा अड्किएका छन् ।

गत बर्षको अक्टोवरमा हमासले इजरायलमा आक्रमण गरेपछि सुरु भएको युद्धले अहिले सम्म ४३ हजार बढिको ज्यान लिइसकेको छ ।

इजरायलले हरेक दिन गाजा क्षेत्रमा आक्रमण गरिरहेको छ । हमासको तर्फबाट भने नगण्य प्रत्याक्रमण भइरहेका छन । हमास गाजामा कृयासिल इजरायल बिरोधी लडाकु समुह हो ।

इरान समर्थित लेवनानको हिजबुल्लाह र प्यालेस्टिनको हमासलाई इजरायलले आफनो शत्रुको रुपमा व्यबहार गर्दै आएको छ ।

पछिल्लो पटक लेवनानमा आक्रमण बढाएर इजरायलले त्यहाँ कृयासिल हिजबुल्लाह समूहका मुख्य नेताहरुको हत्या गरिसकेको छ । हमास र हिजबुल्लाहको मुल नेतृत्वको हत्या भइसकेको भएपनि इजरायलले आक्रमणलाई भने जारी राखेको छ ।

Source : https://www.khasokhas.com/211166