एमएसएममा ‘खुस्मा’
नयाँ नयाँ नेपाली फिल्म रिलिज गरिरहेको लोकप्रिय ओटिटी प्लेटफर्म ‘एमएसएम’मा भोलि शुक्रबार नयाँ नेपाली फिल्म रिलिज हुने भएको छ ।
भोलिबाट फिल्म ‘खुस्मा’लाई ओटिटीमा रिलिज गर्न लागिएको हो । अशोक थापा मगरको निर्देशनमा तयार भएको यो फिल्म असोजको ३ गतेबाट नेपालका हलमा रिलिज भएको थियो । फिल्मले बक्स अफिसमा हिटको व्यापार गर्यो । यो फिल्ममा नायक धिरज मगर र नायिका उपासना सिंह ठकुरीको मुख्य भूमिका छ ।
फिल्म ‘खुस्मा’को ‘रुकुम मैकोट’ बोलको गीत सर्वाधिक हिट भयो । यो गीत ग्लोबल ट्रेन्डिङमा समेत पर्न सफल भएको थियो ।
असोजको २३ गतेबाट दर्शकमाझ आएको ‘एमएसएम एप’ले नयाँ नयाँ नेपाली फिल्म सार्वजनिक गरिरहेको छ । गतसाता फिल्म ‘फर्की फर्की’ रिलिज गरिएको थियो । यसअघि ‘बेहुली फ्रम मेघौली, महाजात्रा, घर ज्वाइँ’ लगायतका फिल्म पनि रिलिज भइसकेका छन् । अब, फिल्म ‘बगान’ पनि यो एपबाट रिलिज गर्ने तयारी गरिएको छ ।
