काठमाडौं महानगर परिसरमा आजदेखि निःशुल्क पार्किङ खुला
काठमाडौं– कमलादीस्थित काठमाडौं प्लाजामा आजदेखि निःशुल्क पार्किङ गर्न पाइने भएको छ ।
काठमाडौं महानगरपालिकाको कार्यालय परिसरमा आजबाट साँझ साढे ५ बजेदेखि राति ११ बजेसम्म गाडी पार्किङका लागि खुला गर्न लागिएको महानगरले जानकारी दिएको छ ।
यो सुविधाले कमलादी, कमलपोखरी, पुतलीसडक, दरबारमार्ग ती क्षेत्र आसपासको सवारी साधन पार्किङ सहज हुने विश्वास महानगरको छ ।
दुई पाङ्ग्रे र चार पाङ्ग्रे दुवै खालका सवारी साधनले महानगर परिसरमा पार्किङ गर्न पाउनेछन् ।
