काठमाडौँ । तिहार बिदामा समयमा पनि नेपाल आयल निगमका डिपोहरु खुला रहने भएका छन् । एक सूचना जारी गर्दै नेपाल आयल निगमले बिदामा पनि आफ्ना सबै डिपोहरु खुला रहने जानकारी गराएको हो । 

सूचनामार्फत निगमले तिहारको समयमा पेट्रोलियम पदार्थको सहज आपूर्तिका लागि १३ डिपोहरु खुला रहने जनाएको छ । 

निगमले जारी गरेको सूचना अनुसार थानकोट डिपो तीन दिन, विराटनगर, अमलेखगञ्ज, पोखरा, भैरहवा, धनगढी, धनुषा, वीरगञ्ज र चारआली डिपो दुई दिन र नेपाल र दाङको डिपो एक दिन खुला रहनेछन् । त्यस्तै, सुर्खेत र दिपायलको डिपो भने आवश्यकता अनुसार खुला रहने निगमले जनाएको छ । 

त्यस्तै, निगमले तिहार बिदामा लागि सम्बन्धित कार्यालयहरु बन्द भएको अवस्थामा पेट्रोलियम व्यवसायी र ढुवानीकर्ताको सहजताको लागि प्रत्येक डिपोको सम्पर्क व्यक्तिसमेत तोकेको छ । ती व्यक्तिसँग सम्पर्क गरेर तोकिएको समयमा डिपोबाट पेट्रोलियम पदार्थ दिन सक्ने निगमले जनाएको छ ।

Source : https://arthasarokar.com/2024/10/oil-corporation-28.html