काठमाण्डौ – थाई एयर एसियाले आजदेखि गौतमबुद्ध अन्तराष्ट्रिय विमानस्थल भैरहवाबाट बैंकक–भैरहवा–बैंकक उडान थालेको छ । बिहान ६ बजेर ५५ मिनेटमा थाई एयर एशियाको ए–३२० जहाज चालक दलका सात सदस्यसहित गौतमबुद्ध अन्तर्राष्ट्रिय विमानस्थलमा अवतरण गरेको थियो । विमानस्थलका सूचना अधिकारी विनोदसिंह राउतका अनुसार यो जहाज ७ बजेर ४० मिनेटमा बैंकक प्रस्थान गरिसकेको छ । भैरहवा विमानस्थलका कर्मचारीसहित सुरक्षाकर्मी र पर्यटन व्यवसायीले बिहान स्वागत गरेका थिए । थाई एयर एशियाले भैरहवाबाट हप्ताको दुई दिन उडान गर्नेछ ।...

Source : https://ujyaaloonline.com/story/108432/2024/11/3/thai-air-asia-started-bhairahawa-bangkok-flight