मकवानपुर – काठमाण्डौबाट महोत्तरीको लागि छुटेको प्रदेश २–०३–००१ ख ३६२९ नम्बरको बस बिहान मकवानपुरमा पल्टिँदा ३५ जना घाइते भएका छन् । आज बिहान ४ बजेतिर पूर्व–पश्चिम राजमार्गअन्तर्गत मनहरी–७ समिडाँडामा बस पल्टिएको जिल्ला प्रहरी कार्यालय मकवानपुरका प्रहरी नायब उपरीक्षक श्यामु अर्यालले बताउनुभयो । प्रहरीका अनुसार बस आफैँ अनियन्त्रित भई सडक किनारामा पल्टिएको हो । घाइतेमध्ये २८ जनाको पुरानो मेडिकल कलेज भरतपुरमा र अरुको हेटौँडामा उपचार भइरहेको प्रहरीले जनाएको छ ।

Source : https://ujyaaloonline.com/story/108525/2024/11/6/35-injured-as-bus-overturns-in-makawanpur-