विश्वकपमा छनोट भएका यू–१९ महिला टोलीका प्रत्येक सदस्यलाई २ लाख ५० हजार दिने
काठमाडौं– नेपाल क्रिकेट संघ (क्यान) यू–१९ महिला टोलीका सदस्यहरुलाई नगदसहित सम्मान गर्ने भएको छ ।
विश्वकपमा छनोट भएपछि टोलीका प्रत्येक खेलाडीलाई प्रोत्साहन स्वरुप जनही २ लाख ५० हजार दिन लागिएको क्रिकेट संघले जनाएको छ । टिम अफिसियलहरुलाई भने १ लाख ५० हजार दिइने क्यानका प्रवक्ता छुम्बी लामाले जानकारी दिए ।
बुधबार युएईमा भएको निर्णायक खेलमा घरेलु टोलीलाई हराउँदे नेपाल आगामी जनवरीमा मलेसियामा हुने यु–१९ महिला विश्वकपमा छनोट भएको थियो । त्यस्तै नेपाल यसै वर्ष डिसेम्बरमा मलेसियामै हुने एसिसी यू–१९ महिला एसिया कपका लागि पानि छनोट भएको छ ।
विश्वकपमा छनोट भएको नेपाली महिला टोली आज साँझ नेपाल आइपुग्दै छन् ।
