स्कोरपियो गाडीले सिटी सफारीलाई ठक्कर दिँदा एक जनाको मृत्यु
काठमाडौं– सुनसरीको रामधुनी नगरपालिका–२ शिवचोकस्थित स्कोरपियो गाडीले सिटी सफारीलाई ठक्कर दिँदा सफारी चालकको मृत्यु भएको छ।
रामधुनी नगरपालिका शिवचोकबाट पश्चिमदेखि पूर्वतर्फ जाँदै गरेको प्रदेश १– २००४ ख ४३१५ नम्बरको सिटी सफारीलाई पूर्वतर्फ जाँदै गरेको युपी १६ इके १९८९ नम्बरको भारतीय स्कोरपियोले सिटीलाई मंगलबार ठक्कर दिँएको थियो । दुर्घटनामा सफारी चालक रामधुनी नगरपालिका–९ निवासी ३६ वर्षीया सोनियाकुमारी चौधरीको मृत्यु भएको छ ।
स्कोरपियो गाडी ठक्करबाट गम्भीर घाइते उनलाई उपचारका लागि झुम्कास्थित स्थानीय अस्पतालमा लगिएको थियो । त्यहाँ उपचारको क्रममा उनको मृत्यु भएको प्रहरीले जनाएको छ ।
ठक्कर दिने गाडी र चालक भारत बिहार सीतामढी सोनबरजा बस्ने ३४ वर्षीय अनिरुद्र सुढीलाई नियन्त्रणामा लिएको प्रहरीले जनाएको छ ।
