सर्लाही । सर्लाहीको ईश्वरपुरमा आज तेश्रो दिन पनि निःशुल्क आँखा शिविर चलेको छ । शिविरमा तिन दिनमा ७ सय ३६ जनाले निःशुल्क आँखाको जाँच गराएका छन भने विहीबार १ सय २ जनाको सफलता पुर्वक शल्यक्रिया गरिएको छ । यो शिविर ईश्वरपुर नगरपालिका, भरतपुर आँखा अस्पताल, नेपाल रेडक्रस सोसाइटी उपशाखा ईश्वरपुर, आरोग्य संगठन सर्लाही र नेपाल स्काउट ईश्वरपुर नगरसँगको समन्वयमा सञ्चालन गरिएको हो।

मंगलवारदेखि सुरु भएको निःशुल्क आँखा शिविरमा बुधवार र आजको गरी ७ सय ३६ बिरामीको आँखा जाँच गरिएको भरतपुर आँखा अस्पतालका बाहय कार्यक्रम संयोजक रमेश घिमिरेले जानकारी दिए । विहीबार मोतियाबिन्दु र मासुपलायको अपरेशन गरिएको संयोजक घिमिरेले जानकारी दिए ।

पहिलो दिन मंगलवार १७५ जना मध्ये ५४ बिरामी, दोश्रो दिन २३५ जनामा ७६ र तेश्रो दिन विहीबार २२६ जना मध्ये ७१ ज्ना बिरामीहरुलाई अपरेशनका लागि सिफारिस गरिएको संयोजक घिमिरेले बताए । अब भोली र पर्सी सम्म आँखाको परिक्षण गरिने र मोतियाबिन्दु र मासुपलायको बिरामीको अपरेसन ईश्वरपुर–९, गैचरण स्थित आँखा उपचार केन्द्रमा मंसिर २ गतेसम्म गरिने छ ।

शिविरमा निःशुल्क चश्मा तथा आवश्यक औषधि पनि वितरण भइरहेकोे ईश्वरपुरका शिक्षक तथा समाजसेवी युवा नाथुराम चौधरीले जानकारी दिए । यसैगरी तिन नि देखि चलिरहेको शिविरमा नगर प्रमुख मनोज कुमार आचार्यले अनुगमण समेत गरिरहेको समाजसेवी युवा चौधरीले बताए ।

The post ईश्वरपुरमा निःशुल्क आँखा शिविरमा ७ सय ३६ जनाले गराए आँखा जाँच appeared first on राजधानी राष्ट्रिय दैनिक (लोकप्रिय राष्ट्रिय दैनिक)-RajdhaniDaily.com - Online Nepali News Portal-Latest Nepali Online News portal of Nepali Polities, economics, news, top stories, national, international, politics, sports, business, finance, entertainment, photo-gallery, audio, video and more....

Source : https://rajdhanidaily.com/id/103779/