इलाम । सामुदायिक वनको सरकारी र ऐलानी जमिन हडपेर इलामको माई नगरपालिकामा निमाण भएको फन पार्क बन्द भएको छ । वन डिभिजन कार्यालय इलामले उच्च अदातलको आदेशपछि वनको जमिन हडपेर बनाएको फनपार्क बन्द गराएको बताएको हो ।

गतवर्ष सरकारी तथा सार्वजनिक जग्गा अतिक्रमण ठहर भएपछि अख्तियार दुरुपयोग अनुसन्धान आयोगले जग्गा खाली गराउन जिल्लाका निकायलाई पत्राचार गरेको थियो । अख्तियारको पत्राचारपछि वन डिभिजनले यो क्षेत्रको अतिक्रमित जग्गा फनपार्कको नामको ४१ रोपनी जग्गा छुट्याएको थियो ।

बन्द गरिएको सुचना फालियो

डिभिजन प्रमुख दानबहादुर श्रेष्ठले डिभिजनले अदालतको आदेश अनुसार वनको जग्गामा पर्ने फनपार्क बन्द गरिएको सूचना टाँसिसकेको र निर्माणकर्ता आफैंले पनि सरकारी र सामुदायिक वनको भागमा पर्ने पार्क आफूले प्रयोग नगर्ने कागज गरेको बताए ।

उनले भने ‘हामीलाई फनपार्क निर्माणकर्ताले अब यो मेरो होइन भनेर कागज गरिसर्नुभएको छ तर पार्क बन्द गरेको सूचना फ्याँकेको पाइएपछि निर्माणकर्ता सँग सूचना फ्याँकिएको’boutमा आफूलाई जानकारी नभएको जबाफ दिएको बताए ।

एक सय ३२ रोपनी पर्ती र माइखोलाको जनिएको तथा ४५ रोपनी सरस्वती सामुदायिक वनको जग्गा अतिक्रमण गरी कुल दुुई सय १८ रोपनी जग्गामा हेप्पी ड्रिम्प्स चेप्टी प्रालिले करोडौं रुपैयाँको लगानीमा फनपार्क निर्माण गरेको थियो । फनपार्कको नाममा भने ४१ रोपनी जग्गा रहेको छ । जग्गा छुट्याएपछि फनपार्क निर्माणकर्ता दिनेश शिवाकोटीले दायर गरेको रिटलाई उच्च अदालत विराटनगर, इलाम इजलासले ०८१ असार २२ मा खारेज गरेको थियो ।

सामुदायिक वनको सरकारी र ऐलानी जमिन हडपेर फनपार्क निमाण भएको थाहापाएपछि वन कार्यालयल छानबिन शुरु गरेको थियो । समितिको प्रारम्भिक अध्ययनबाट सामुदायिक वनको केही भाग जग्गा पार्कले हडपेको पाएपछि कार्यालयले प्रक्रिया अघि बढाएको र अब बन्द समेत भएको बताएको छ । सरकारी जग्गा कब्जा गरेको र हरियो सालका रूख काटेको विषय सञ्चारमाध्यममा सार्वजनिक भएपछि डिभिजन अधिकृत स्तरको ३ सदस्यीय छानबिन समिति बनाएर अनुसन्धान प्रक्रिया अघि बढाएको थियो ।

कम्पनीले शक्तिका भरमा सरकारी जमिन कब्जा गरेपछि स्थानीयले समेत अख्तियारमा उजुरी गरेका थिए । उजुरीपछि अख्तियार दुरुपयोग अनुसन्धान आयोगले पनि छानबिनको प्रक्रिया अघि बढाएको थियो ।

The post वनको र ऐलानी जमिन हडपेर निमाण भएको फन पार्क बन्द appeared first on राजधानी राष्ट्रिय दैनिक (लोकप्रिय राष्ट्रिय दैनिक)-RajdhaniDaily.com - Online Nepali News Portal-Latest Nepali Online News portal of Nepali Polities, economics, news, top stories, national, international, politics, sports, business, finance, entertainment, photo-gallery, audio, video and more....

Source : https://rajdhanidaily.com/id/103783/