कीर्तिपुरमा बाढीले बगाएर एक जनाको मृत्यु, थप एक जना बेपत्ता
काठमाडौं– वर्षासँगैको बाढीले बगाउँदा बिहीबार कीर्तिपुरमा एकजनाको मृत्यु भएको छ । मच्छेगाउँ बसपार्कनजिकका सर्दय लामाको मृत्यु भएको कीर्तिपुर प्रहरीले जनाएको छ ।
आज बिहान देशका विभिन्न स्थानमा भारीसम्म वर्षा भएको थियो । वर्षासँगै ढलको पानी बाहिर आउन थालेपछि ढल मिलाउन जाँदा बाढीले लामालाई बगाएको थियो ।
बाढीले बगाएर उनलाई ढलभित्र पुर्याएको थियो । उद्धार गर्दा उनको मृत्यु भइसकेको पाइएको प्रहरीले जनाएको छ।
कीर्तिपुरकै कीर्तिबिहारनजिकको खोलामा परेर बिहीबार एकजना बेपत्ता छन् । प्रह्लाद महर्जन बेपत्ता भएका कीर्तिपुर प्रहरीले जनाएको छ । उनको खोजी जारी छ ।
_cFM6DYwjHY.jpg)
