बक्स अफिसमा आँचल भर्सेस आँचल
फिल्म ‘जेरीः अन टप’को छायांकनका लागि नायिका आँचल शर्मा लुक्लामा छिन् । करिब १५ दिनसम्म फिल्मको छायांकन लुक्लामा हुनेछ ।
यो फिल्ममा आँचलले नायक अनमोल केसीसँग रोमान्स गरिरहेकी छिन् । यता, आँचलले नै अभिनय गरेको अर्को फिल्म ‘दुखी आत्मा’को पोष्ट प्रोडक्सन चलिरहेको छ । दिपेन्द्र लामा निर्देशित यो फिल्ममा आँचलको जोडीको रुपमा दयाहाङ राइले काम गरेका छन् । दया र आँचलले यसअघि फिल्म ‘डिग्री माइला’मा पनि काम गरिसकेका छन् ।
नायिका आँचल शर्माको यसपटक बक्स अफिसमा आफैसँग भिडन्त हुने पक्का भएको छ । फागुनको २ गते यी दुबै फिल्म रिलिजमा आउँदैछन् । यदि, कुनै फिल्मको काम नभ्याएर पोष्टपोन्ड भयो भने अर्को कुरा, तर हालसम्मको अवस्थामा ‘जेरीः अन टप र दुखी आत्मा’ एकसाथ बक्स अफिसमा भिडन्त गर्दैछन् ।
आँचलका लागि यो समयमा कुन फिल्मलाई बढी समय दिने भन्ने दबाब भने सिर्जना हुने पक्का छ ।
