काठमाण्डौ – आज सुनको भाउ एक हजार एक सय रुपैयाँले बढेको छ । सुनको भाउ एक हजार एक सय रुपैयाँले बढेर आज तोलाकाे एक लाख ६२ हजार एक सय रुपैयाँमा कारोबार भइरहेकाे नेपाल सुनचाँदी व्यवसायी महासङ्घले जनाएको छ । केही दिनदेखि लगातार घटेको सुनको भाउ हिजो तोलामा एक हजार रुपैयाँ र आज तोलामा एक हजार एक सय रुपैयाँले बढेको हो । यस्तै आज चाँदीको भाउ पनि बढेको छ । चाँदी आज ३५ रुपैयाँले बढेर ताेलाकाे एक हजार नौ सय ५५ रुपैयाँ कायम भएकाे महासङ्घले जनाएको छ ।

Source : https://ujyaaloonline.com/story/108997/2024/11/19/gold-price-increases-by-rs-1100-per-tola-