अमेरिकाका पूर्व राष्ट्रपति बराक ओबामाले कमला ह्यारिसको समर्थनमा अगाडि आउन त्यहाँ रहेका अश्वेत पुरुषहरूलाई आग्रह गर्नुभएको छ ।

ओवामाको आग्रहले कतै ह्यारिसको चुनावी अभियानमा चिन्ता पैदा भएको त छैन भन्ने प्रश्न उव्जाएको छ । अश्वेत पुरुषहरूको ह्यारिसप्रति समर्थन घटिरहेको पछिल्लो सर्भेक्षणहरुले देखाएको छ ।

पिट्सबर्गको एक चुनावी कार्यालयमा अचानक भएको भ्रमणका क्रममा पूर्व राष्ट्रपति ओवामाले यो विषयमा कडा रूपमा उठान गर्नुभयो ।

ओवामाले अश्वेत पुरुषहरुप्रति महिला राष्ट्रपति भएको राम्रो हुने विचार नपलाएको आरोप समेत लगाउनु भयो । उहाँ कुनैपनि बहानाबाजी नगरी खुलेर ह्यारिसको प्रचार अभियानमा जुट्न अश्वेत पुरुषहरु संग आग्रह समेत गर्नुभयो ।

डेमोक्रेटिक पार्टीका सबैभन्दा लोकप्रिय व्यक्तित्व ओबामा मानिनु हुन्छ । उहाँको चुनावी अभियानले अन्तिम हप्ताको दौडमा गति दिने अपेक्षा गरिएको छ ।
ओबामाले स्वयंसेवकहरूलाई भने कि उत्साहको कमी विशेष गरी कालो पुरुषहरूमा देखिएको छ ।

पूर्व राष्ट्रपति ओबामाले ह्यारिसको लागि पिट्सबर्गबाट सुरु भएको निर्णायक राज्यहरूमा प्रचार अभियान थाल्नु भएको छ । श्रमिक संगठनहरूको बलियो प्रभाव रहेको छ । यो अर्को महत्त्वपूर्ण निर्वाचन समूह पनि हो ।

ओबामाले ट्रम्पको आर्थिक स्थायित्वको दाबीलाई खारेज गर्दै रिपब्लिकनहरूले छोडेको संकटलाई सफा गर्न ८ वर्ष बिताउनु परेको आफनो अनुभव सुनाउनु भयो । उहाँले ह्यारिसलाई “काम गर्न तयार” भएको नेता भनेर तुलना समेत गर्नुभयो ।

ओबामाले २००८ र २०१२ मा पेंसिलभेनिया जित्नु भएको थियो । जसमा अश्वेत मतदाताहरूको उच्च मतदानले महत्त्वपूर्ण भूमिका खेलेको थियो ।

पेंसिलभेनियासँगै, डेमोक्र्याटहरूले मिशिगन र विस्कन्सिनका अश्वेत पुरुषहरूसँगको पहुँचको प्रयासलाई पनि तीव्र बनाएका छन् ।

डेट्रोइट, मिल्वौकी र फिलाडेल्फियामा ठूलो कालो जनसङ्ख्या रहेको छ । ती शहरहरूमा उच्च मतदानले ह्यारिसको जितको सम्भावना बलियो बनाउन सक्छ ।

Source : https://www.khasokhas.com/210653