जेसिस र केभीसी सेमिफाइनलमा
काठमाडौं ।
जेसिस र केभीसी १० औं रेडियन्ट कप अन्तरविद्यालय बास्केटबल प्रतियोगिताको सिनियर गल्र्समा शनिबार सेमिफाइनलमा प्रवेश गरेका छन् ।
स्युचाटारस्थित आयोजक रेडियन्ट पब्लिकको कोर्टमा जेसिसले मस्र्याङ्दीलाई २२–१५ ले पराजित ग¥यो । जेसिसको जितमा स्मृति थापाले १२ अंक योगदान गरिन् ।
सिमरन पाण्डेको ९ अंक मद्दतमा केभीसीले द एक्सेल्सियर स्कुललाई ११–३ ले हरायो । सिनियर ब्वाइजमा आयोजक रेडियन्ट पब्लिकले राइजिङ स्टारलाई ३५–३२, एलआरआईले बेबी एन्जललाई ३८–५, क्षेत्रग्नले एक्सेल्सियरलाई ४५–२५ र संस्कृतिले रेडियन्ट रिडर्सलाई ३३–२९ ले पाखा लगाउदै क्वार्टरफाइनलमा स्थान सुरक्षित गरे ।
रेडियन्टका नन्दनबाबु बस्नेतले १२, एलआरआई आयुश केसीले १२, क्षेत्रग्नका सुशिल शाहीले ३१ र संस्कृतिका श्रद्धेय शाक्यले १२ स्कोर गरे । सिनियर ब्वाइजमै मेगसले केभीसीलाई २५–१९, स्वस्तिश्री गुरुकुलले पिपुल्स एकेडेमीलाई २८–२६, ज्ञानोदय बालवाटिकाले स्वर्णिमलाई ४०–३१ र पुष्पसदनले सेन्ट्रल स्टेटलाई ३९–१६ ले पन्छ्याउदै अन्तिम आठमा पुगे ।
मेगसका सिमोन रम्जालीले १०, स्वस्तिश्रीका श्रेयन नाम्गेल लामाले १५, ज्ञानोदयका अर्यान धामीले ११ र पुष्पसदनका उमंग अमात्यले १६ अंक बटुले ।
