टिकटकभरी छ्याप्तछ्याप्ती ‘जेरीः अन टप’को दृश्य
फिल्म ‘जेरीः अन टप’को छायांकन लुक्लामा भइरहेको छ । सुयोग गुरुङको निर्देशनमा सरोज न्यौपानेको लगानी रहेको यो फिल्मको छायांकन अझै केही दिन लुक्लामा हुनेछ । फिल्ममा अनमोल केसी, केदार घिमिरे, आँचल शर्मा, जसिता गुरुङ लगायतका कलाकारहरुको मुख्य भूमिका छ ।
यो फिल्मको छायांकन लुक्लामा भइरहँदा यसका दृश्यहरु भने टिकटकमा छ्याप्तछ्याप्ती देखिन्छ । अझ, फिल्म छायांकनका दृश्यहरु टिकटकमा खिचेर पोष्ट गरिएको छ ।
अनमोल, जसिता र केदारको इन्ट्री दृश्यदेखि रोमान्टिक दृश्यहरु अधिकांश टिकटकमा भेटिन्छ । साथमा, अनमोल केसी नाचेका थुप्रै दृश्यहरु पनि टिकटकमा हेर्न सकिन्छ ।
यसरीहेर्दा, लुक्लाका अधिकांश दृश्यहरु टिकटकमा छन् । छ्याप्तछ्याप्ती फिल्मका मुख्य प्लटरहरुको सुटिङ खिचेर पोष्ट गरिएको छ । यसले, अनमोलको लुक्स, उनको अभिनय अधिकांश सार्वजनिक भइसकेको छ ।
निर्माणपक्षले फिल्मको छायांकनका क्रममा दर्शकलाई भिडियो नखिच्न पनि आग्रह गर्न सकेको छैन । यसलेगर्दा, फिल्म छायांकनका दृश्यहरु रिलिज अगावै सबै छ्याप्तछ्याप्ती हुने हुन् कि भन्ने भय पलाएको छ ।
यो फिल्मलाई फागुनको २ गतेबाट रिलिज गर्ने तयारी यसको निर्माणपक्षको छ ।
