धनगढी । कैलालीको धनगढीका रिटायर्ड शिक्षक कानुन पढ्न थालेका छन् । बझाङको बुंगल नगरपालिका वडा नम्बर ६, दान्तोली जन्मघर भई हाल धनगढी उपमहानगरपालिका वडा नम्बर ३ विशालनगरका गणेशबहादुर सिंह ६५ वर्षको उमेरमा कलेज भर्ना भएका हुन् ।

२०१७ माघ ७ गते जन्मिएका सिंहले औपचारिक शिक्षाको सुरुवात २०२५ सालमा गरेका थिए । २०४१ सालमा स्थायी नियुक्ति पाएर शिक्षण पेसामा प्रवेश गरेका उनले ३६ वर्षसम्म अध्यापन गराए । २०५१ सालदेखि २०७७ सालसम्म विद्यालयको प्रधानाध्यापक पनि भए ।

सिंह २०८० मा ११ मा धनगढीको एसपीए कलेजमा भर्ना भएका थिए । हाल उनी कक्षा १२ मा कानुन विषय अध्ययन गरिरहेका छन् । उनी भन्छन्, ‘स्वर्गीय हजुरबुवा कल्याणसिंह र ९० वर्षीय पिता अंगबहादुर सिंह तथा ८५ वर्षीय आमा तुलनादेवी सिंहको आशीर्वाद र प्रेरणाले यो अवसर पाएको छु ।’

The post धनगढीका रिटायर्ड शिक्षक १२ कक्षामा पढ्दै appeared first on राजधानी राष्ट्रिय दैनिक (लोकप्रिय राष्ट्रिय दैनिक)-RajdhaniDaily.com - Online Nepali News Portal-Latest Nepali Online News portal of Nepali Polities, economics, news, top stories, national, international, politics, sports, business, finance, entertainment, photo-gallery, audio, video and more....

Source : https://rajdhanidaily.com/id/104469/