प्रकाश भुजेलको गाडीको ठक्करबाट ज्यान गुमाएका नगरकोटी दम्पतीका छोरीहरु भेट्न पुगे ‘प्रचण्ड’
काठमाडौं– आफूलाई झाक्रीका रुपमा चिनाउने प्रकाश भुजेलले चलाएको गाडीले ठक्करबाट मृत्यु भएका नगरकोटी दम्पतीका छोरीहरुसँग नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले भेट गरेका छन्।
सोमबार बेलुका कागेश्वरी मनोहरा नगरपालिका २ आलापोट पुगेर नगरकोटीका दुई छोरीहरुसहित उनको परिवारसँग प्रचण्डले भेट गरेका हुन् ।
कात्तिक २८ गते झाँक्री प्रकाश भुजेलले चलाएको गाडिको ठक्करबाट ३८ वर्षीय नारायण नगरकोटी र उनकी श्रीमती ३२ वर्षीया सानुमाया नगरकोटीको मृत्यु भएको थियो। नारायण नेकपा माओवादी केन्द्रका नेतासमेत थिए ।
भेटमा प्रचण्डले नगरकोटी परिवारको दुखमा माओवादी र आफूसँगै रहेको बताएका थिए । नगरकोटी दम्पत्तीको मृत्यु भएपछि दुई छोरी गरिमा र अनु नगकोटीको अभिभावक बनेर परिवारको दुःखमा पार्टी र आफूसँगै रहने प्रतिबद्धता जनाएको प्रचण्डको स्वकिय रमेश मल्लले बताएका छन् ।
