प्रधानमन्त्री ओलीको भ्रमणको तयारी गर्न दुईदिनपछि चीन जाँदै आरजु
काठमाडौं– अर्को सातामा प्रधानमन्त्री केपी शर्मा ओली चीन भ्रमणमा जादैँछन् । प्रधानमन्त्री भ्रमणमा जानुभन्दा अगाडी भने परराष्ट्रमन्त्री आरजु राणा देउवा चीन जाने भएकी छिन् ।
प्रधानमन्त्री ओलीको चीन भ्रमण तयारीका लागि उनी चीन जान लागेका हुन् । प्रधानमन्त्री ओलीले आयोजना गरेकोे छलफलका क्रममा उनले दुई दिनपछि चीन भ्रमणमा जान लागेको जानकारी गराएकी हुन् ।
यस्तै परराष्ट्र मन्त्रालयले प्रधानमन्त्री ओलीको चीन भ्रमणको तालिका तय गरिसकेको छ । प्रस्तावित तालिका अनुसार प्रधानमन्त्री ओली मंसिर १७ गते चीन भ्रमणमा जानेछन् ।
प्रस्तावित तालिका अनुमोदन गर्न आज साँझ पाँच बजे मन्त्रिपरिषद् बैठक बोलाइएको छ ।
