मनाङमा लेक लागेर विदेशी नागरिकको मृत्यु
काठमाडौं ।
मनाङको ङिस्याङ गाउँपालिकामा लेक लागेर एक जना विदेशी पर्यटकको मृत्यु भएको छ । ङिस्याङ–३, याकखर्कमा टेन्टमा बसिरहेका स्वीट्जरल्यान्डका नागरिक ६३ वर्षीय मार्कुस सेसलरको मृत्यु भएको जिल्ला प्रहरी कार्यालयले जनाएको छ ।
उनको चुलु फरेष्ट जाने क्रममा टेन्टमा बसेको समयमा मृत्यु भएको प्रहरीले बताएको छ ।
राति सकुशल सुतेका सेसलर बिहान नउठेपछि लेक लागेर मृत्यु भएको अनुमान गरिएको प्रहरीले जानकारी दिएको छ ।
