११ महिना पछि बल्ल पायो धितोपत्र बोर्डले अध्यक्ष
समाचार सुन्नुहोस :
काठमाडौँ – सोमबारको बसेकाे मन्त्रिपरिषदकाे बैठकले लामो समयदेखि रिक्त रहेको नेपाली धितोपत्र बजारको नियामक निकायका नेपाल धितोपत्र बोर्डको अध्यक्ष पदमा सन्ताेषनारायण श्रेष्ठलाई नियुक्त गरेकाे छ । ११ महिनादेखि रिक्त रहेको उक्त पदमा सरकारले श्रेष्ठलाई चार वर्षका लागि अध्यक्षमा नियुक्त गरेको हो ।
बोर्ड अध्यक्ष सिफारिस समितिले तीन जनाको नाम सिफारिस गरेकाे थियाे । समितिले सन्तोषनारायण श्रेष्ठ, मुक्तिनाथ श्रेष्ठ र नवराज अधिकारीको नाफा सिफारिस गरेको थियाे। यी तीनजना मध्ये सन्ताेषनारायण श्रेष्ठलाई बैठकले बोर्डको अध्यक्ष पदमा नियुक्त गरेकाे हाे । अध्यक्षमा नियुक्त भएसँगै लगानीकर्ताको हितलाई प्राथमिकतामा राखेर पुँजीबजारको विकास र विस्तारका लागि प्रभावकारी रूपमा काम गर्ने नवनियुक्त अध्यक्ष श्रेष्ठले बताएका छन् ।
The post ११ महिना पछि बल्ल पायो धितोपत्र बोर्डले अध्यक्ष appeared first on Samudrapari.
