काठमाण्डौ – न्युजिल्याण्डसँगको तीन खेलको एक दिवसीय शृङ्खला घरेलु टोली श्रीलङ्काले जितेको छ । गएराति भएको दोस्रो खेलमा न्युजिल्याण्डलाई तीन विकेटले पराजित गरेसँगै श्रीलङ्काले एक खेल अघि नै शृङ्खला जितेको हो । हिजोको खेलमा पाएको दुई सय १० रनको लक्ष्य श्रीलङ्काले ४६ ओभरमा सात विकेट गुमाएर पूरा गर्‍याे । वर्षाका कारण ४७ ओभरमा झारिएको खेलमा पहिले व्याटिङ गरेको न्युजिल्याण्डले ४५ ओभर एक बलमा अलआउट हुँदै दुई सय नौ रन बनाएको थियो । 

Source : https://ujyaaloonline.com/story/108959/2024/11/18/srilanka-won-3-match-odi-series-against-newzealand