सिन्धुलीमा जेसिबी र मोटरसाईकल ठोक्किँदा एक जना गम्भीर घाइते
सिन्धुली ।
सिन्धुलीको कमलामाई नगरपालिका ६ राम्माडीमा बिपी राजमार्गमा शुक्रबार राति जेसिबी र मोटरसाईकल ठोकिएर दुर्घटना हुँदा एक जना गम्भीर घाईते भएका छन् ।
घाइते हुनेमा मोटरसाईकल चालक कमलामाई नगरपालिका वडा नम्बर २ निबुवाटारका २२ वर्षीया साजन श्रेष्ठ रहेका जिल्ला प्रहरी कार्यालय सिन्धुलीले जनाएको छ । गोलन्जोर गाउँपालिकाको ग्वाल्टारबाट सिन्धुलीतर्फ आउँदै गरेको प्र.२–०३–००१ क १३३९ नं. को जेसिबी र सिन्धुली बजारबाट ढुग्रेबासतर्फ जाँदै गरेको प्र.२–०२–००५ प ४८८९ नं. कोे पल्सर मोटरसाईकल एकआपसमा ठक्कर खाई दुर्घटना भएको हो ।
गम्भीर घाईते मोटरसाईकल चालकको जिल्ला अस्पताल स्रिन्धुलीमा सामान्य उपचारपछि थप उपचारको लागि काठमाडौं मेडिकल कलेज (केएमसी) अस्पताल पठाइएको जिल्ला प्रहरी कार्यालय सिन्धुलीका प्रहरी नायव उपरिक्षक अनिल कुमार खड्काले जानकारी दिए।
जेसिवी चालक मरीण गाउँपालिका ७ का २५ बर्षिया नबिन माझीलाई प्रहरी नियन्त्रणमा रहेका छन् ।
