१८ महिनापछि ओलीले देउवालाई सत्ता हस्तान्तरण गर्ने
काठमाडौं– प्रधानमन्त्री केपी शर्मा ओलीले आगामी २०८४ को निर्वाचन अघिसम्म नै कांग्रेस–एमालेसहितको गठबन्धन कायम रहने बताएका छन् । आज (शुक्रबार) दरबारमार्गमा आयोजित एमालेको जागरण सभालाई सम्बोधन गर्दै उनले अहिले सत्तारुढ दलमा कुनै असमझदारी नरहेको बताए ।
उनले सरकारको आयुबारे बोल्दै अब १८ महिनापछि कांग्रेस सभापति शेरबहादुर देउवालाई सत्ता हस्तान्तरण गर्ने बताए । ओलीले एमालेतिर औंला ठड्याएर नबोल्नसमेत चेतावनी दिए ।
