काठमाडौँ । चालु आर्थिक वर्ष २०८१/८२ को तीन महिनामा सेयर बजारबाट झण्डै साढे ७ अर्ब पूँजीगत लाभकर संकलन भएको छ । सीडीएस एण्ड क्लियरिङ लिमिटेडले सार्वजनिक गरेको पछिल्लो तथ्यांक अनुसार तीन महिनामा ७ अर्ब ४० करोड १२ लाख रुपैयाँ पूँजीगत लाभकर संकलन भएको छ ।

सीडीएससीका अनुसार साउन महिनामा सबैभन्दा धेरै पूँजीगत लाभकर संकलन भएको छ । साउनमा ४  र्ब २३ करोड ५३ लाख रुपैयाँ पूँजीगत लाभकर संकलन भएको छ ।

त्यस्तै, भदौ महिनामा २ अर्ब ५७ करोड ९४ लाख रुपैयाँ पूँजीगत लाभकर संकलन भएको छ भने असोज महिनामा ५८ करोड ६५ लाख रुपैयाँ संकलन भएको छ ।

भदौ महिनाको तुलनामामा असोजको पूँजीगत लाभकर ७७ प्रतिशतले कम हो ।

Source : https://arthasarokar.com/2024/10/share-market-410.html