सातदोबाटोमा बसमा आगलागी
ललितपुरको सातदोबाटोमा यात्रुवाहक बसमा आगलागी भएको छ।
शनिबार अपराह्न पौने ५ बजे ललितपुर महानगरपालिका-१५ सातदोबाटो चोक नजिक बस पकेटमा रोकिरहेको बा ४ ख १०६ नम्बरको महानगर यातायातको बसमा आगलागी भएको हो।
जिल्ला प्रहरी परिसर ललितपुरका एसपी नवरत्न पौडेलका अनुसार अचानक विद्युत सर्ट भई आगलागी भएको हो।
उक्त बसमा अचानक आगलागी भएपछि प्रहरी र ललितपुर महानगरपालिकाबाट दमकल झिकाइएको थियो।
ललितपुर महानगरपालिकाको दुई वटा दमकलले बसमा लागेको आगो साँझ ५ बजे निभाएको छ।
