नेपाली यु -१७ टिमको लगातार दोस्रो हार, कतारसँग ५-० ले पराजित
काठमाडौँ ।
नेपाली यु -१७ फुटबल टिमले एएफसी यु- १७ एसिया कप छनोट अन्तर्गत लगातार दोस्रो खेलमा हार बेहोरेको छ ।
कतारको दोहामा शुक्रवार सम्पन्न खेलमा नेपाल आयोजक कतारसँग ५-० ले पराजित भएको हो । यसअघि बुधवार नेपाल जापानसँग ९-२ अन्तरले पराजित भएको थियो ।
समुह एफमा जापान र कतारको २-२ खेलपछि समान ६ अंक भएको छ भने अङ्कविहीन रहेका नेपाल र मंगोलियाको छनौटको सम्भावना समाप्त भएको छ ।
अब नेपालले अर्को खेल मंगोलियासँग सोमबार खेल्ने तालिका छन् ।
