क्रेकेटर सन्दिपको मुद्दा न्यायाधीशद्धय निरौला र कोइरालाको संयुक्त इजलासमा
काठमाडौं,२३ चैत । क्रिकेटर सन्दीप लामिछानेले जिल्ला अदालतको फैसला बदर गर्न माग गर्दै दायर गरेको रिट उच्च अदालत पाटनमा आज सुनुवाई हुँदैछ ।
रिट सुनुवाईका लागि उच्च अदालत पाटनका मुख्यन्यायाधीश नृपध्वज निरौला र न्यायाधीश कृष्णराम कोइरालाको संयुक्त इजलासमा पेशी परेको छ ।
परिवर्तित नाम गौशाला २६ ले दायर गरेको जबरजस्ती करणीको मुद्दामा जिल्ला अदालत काठमाडौंबाट दोषी ठहर भएका लामिछानेले उच्च अदालत पाटनमा पुनरावेदन दिएका थिए । जिल्ला अदालत काठमाडौंका न्यायाधीश शिशिरराज ढकालको इजलासले उनलाई ८ वर्ष कैद र ३ लाख जरिवानाको फैसला सुनाएको थियो । उनले उच्च अदालतमा सो फैसला बदरको माग गरेका छन् ।
यता गौशाला २६ पक्षपनि उनलाई काठमाडौं जिल्ला अदालतले तोकेको सजाय कम भएको र पीडित नाबालिगनै रहेको दाबी गर्दै उच्चमा पुगेको छ । सो निवेदनमा पनि आजै छलफल हुनेछ । परिवर्तित नाम गौशाला २६ ले आफूलाई नावालिग रहेको दाबी गरेपनि जिल्ला अदालतले भने उनी बालिग रहेको ठहर गरेको थियो ।
