आज पनि तोलामै १७ सय बढ्यो सुनको मूल्य
समाचार सुन्नुहोस :
काठमाडौँ – आज आइतबार पनि सुनको मूल्य बढेको छ । आज सुनको मूल्य एकैदिन एक हजार ७०० रुपैयाँले बढेको हो । नेपाल सुनचाँदी महासंघका अनुसार शुक्रबार प्रतितोला एक लाख ६५ हजार ५०० रुपैयाँमा कारोबार भएको सुन यसदिन एक लाख ६७ हजार २०० रुपैयाँमा कारोबार भइरहेको छ ।
पछिल्लो रेकर्डअनुसार गत कात्तिक १३ गते सुनको मूल्य सर्वाधिक एक लाख ६८ हजार ५०० रुपैयाँ पुगेकोमा पछिल्लो समय उक्त रेकर्ड तोड्नेगरी सुनको मूल्य दिन प्रतिदिन बढ्दै गएको छ ।
यसैगरी आज चाँदीको मूल्य पनि तोलामा २० रुपैयाँले वृद्धि भएको छ । शुक्रबार चाँदी प्रतितोला एक हजार ९४० रुपैयाँमा कारोबार भएकोमा आज एक हजार ९६० रुपैयाँमा कारोबार भैरहेको छ ।
The post आज पनि तोलामै १७ सय बढ्यो सुनको मूल्य appeared first on Samudrapari.
