दाङ – दाङमा कार दुर्घटनामा घाइते भएका एक जनाको उपचारका क्रममा ज्यान गएको छ । दुर्घटनामा गम्भीर घाइते भएका तुलसीपुर उपमहानगरपालिका–७ झुमरे चोकका ४५ वर्षीय कर्णबहादुर थापाको ज्यान गएको जिल्ला प्रहरी कार्यालय दाङका प्रवक्ता एवम् डीएसपी ईश्वर थापाले जानकारी दिनुभयो । यस्तै दुर्घटनामा घाइते भएका झुमरे चोकका पूर्णबहादुर खात्रीलाई थप उपचारका लागि सैनिक अस्पताल नेपालगञ्ज लागिएको प्रहरीले जनाएको छ । दाङको तुलसीपुरबाट अमिलियातर्फ गुडिरहेको कार आजै लमही नगरपालिका–९ अम्राईखोलामा दुर्घटना भएको थियो ।

Source : https://ujyaaloonline.com/story/108341/2024/10/30/one-person-died-in-a-car-accident-in-dang